سنه بتدخل رمضان بقلب جامد
وتقول هعمل واسوى ..
وكل سنه بتيجى بعد اول اسبوع وتبدء همتك تنزل
واحده... واحده ... واحده
وانت شايفها ومش قادر تعمل حاجه
وكل سنه تقول السنه دى غير كل سنه انا السنه دى هكسر الدنيا و
.......
ايه رايك بقه ان انت السنه ديه هتكسر الدنيا بجد وهتعمل اللى مكنتش قادر تعمله كل سنة
كل سنه بتقول هاختم القرأن وتقف عند جزء معين منه وتنشغل وتتأخر بره وتخرج مع اصحابك
والمحصله انك مبتختمش القرأن الا على الحركرك واللى بيشد حيله اوى يدوب بيختمه مره واحده
السنه ديه بقه هنبص للموضوع من منظور مختلف و هنختم القرأن كله ان شاء الله
تعالوا مع بعض اوريكوا الموضوع بسيط جدا اد ايه
شوف يا سيدى
المصحف 600 صفحه ..صح (لو مش مصدقنى روح بص فى المصحف بسرعه وتعالى)
ها طلع كام ..اوك ... تعالى نكمل بقه
المصحف 600 صفحه على 30 يوم بكام يا ريس...
%$#@#%$#@%$ + *^%& - & *%& ^% = %^$$%#&
يا عم متعقدهاش الحسبه ابسط من كده 600 / 30 = 20 صفحة
شفت سهله ازاى
طيب يعنى في اليوم 20 صفحه وإحنا عندنا 5 صلوات في اليوم
يبقى 20 / 5 مضبوط ايوه كده
4 صفحات
يبقى أنت لو قريت 4 صفحات بعد كل صلاه يبقى في اليوم تخلص 20 صفحه
يعنى في الشهر تخلص القران مستريح أوى
عاير نصيحتى خاليهم 30 فى اليوم علشان لو جيت انشغلت فى يوم من الايام يتعوض فى يوم تانى
استنى الايميل لسه مخلصش
احنا هنـ .... بقه ولا ايه .. انت نسيت اننا فى رمضان
والدال على الخير كفاعله
شوف بقه لو بعت الايميل ده لكل اصحابك وختموا القرأن بسببك هيتحسبلك اجر وثواب اد ايه
ياه ده انت تبقى ختمته كتيييييييييييييير أوى
يالا يا عم شد حيلك عايزين الناس كلها تختم القرأن السنه دى على ايدك
حاجة اخيرة معلش انا عارف ان دة مش القسم بتاع الحاجات دى بس انا قولت عشان الكل يستفيد وتعود الفائدة على الكل وشكرا على سعت صدركم...........
السبت سبتمبر 15, 2007 5:12 pm